སྔོན་དང་ཕུ་ ད་རིས་ནངས་པ་བཟུམ་སྦེ་ རྒྱང་བསྒྲགས་དང་ རྒྱང་མཐོང་གི་མཐུན་རྐྱེན་ཟེརཝ་མེད་ནི་འདི་གིས་ ཕྱི་རུ་ལྟོ་ཟ་ཚར་ཞིནམ་ལས་ མ་ཉལ་བའི་བར་ན་ ཨ་ལོ་ཚུ་གིས་མཐའ་བསྐོར་ཏེ་ ཕམ་ཚུ་གིས་ སྲུང་གཏང་སྲོལ་ཡོད་མི་འདི་གིས་ ཨ་ལོ་ཚུ་གི་རིག་རྩལ་ཡར་རྒྱས་དང་ ལེགས་ཉེས་ཀྱི་དབྱེ་བ་ཕྱེ་ཤེས་ནི་ལུ་ཕན་ཐོགས་ཆེ་བའི་བསླབ་བྱ་བཟུམ་ཅིག་ཨིན་པས། ཨིན་རུང་ ད་རིས་ནངས་པ་ རྒྱལ་ཁབ་ཡར་རྒྱས་ཀྱི་འགྲོས་དང་བསྟུན་ དེ་སྦེ་སྲུང་གཏང་ནི་ཕར་བཞག་ ཕམ་བུ་གཞི་ཆ་མཉམ་གཅིག་ཁར་གདོང་སྐོར་རྐྱབ་སྟེ་ བཤད་ཐོ་གཏང་སྡོད་ནི་གི་དུས་ཚོད་ར་མེད་པར་ རང་རང་སོ་སོའི་ལཱ་གི་དལ་ཁོམ་མེད་པའི་ནམ་དུས་ལུ་ སྲུང་གཏང་ནི་གི་ལོ་རྒྱུས་སླབ་ནི་འདི་དགོད་བྲའི་གཞི་ཅིག་ཨིན་པས། ཨིན་རུང་ དེ་སྦེ་བཞག་ད་པ་ཅིན་ མ་འོངས་པ་ལུ་ སྲུང་གཏང་ནི་གི་ལུགས་སྲོལ་ཡལ་ནིའི་ཉེན་ཁ་སྦོམ་ཡོདཔ་ལས་ ད་ལྟོ་དུས་ཚོད་མ་ཕྱིསཔ་ལས་ ན་གཞོན་ཚུ་ལུ་སེམས་ཤུགས་བསྐྱེད་བཅུག་དགོཔ་གལ་ཆེ་བས།
དང་ཕུའི་ལུགས་སྲོལ། ད་རེས་ཀྱི་ལོ་རྒྱུས། 