རྟ་ལོག་པའི་མཆོདཔ།

སྤྱིར་བཏང་འབྲུག་གི་ལུང་ཕྱོགས་སོ་སོར་ ཞབས་ཁྲའི་དབྱེ་མ་འདྲཝ་སྦེ་ཡོད་རུང་ མང་ཤོས་ཅིག་ཞབས་ཁྲའི་འགོ་མཆོདཔ་ཕུལ་སྲོལ་ཡོད་མི་འདི་ གསུང་མཆོད་པ་འབུལ་ལོ་དཀོན་མཆོག་གསུམ།། ཟེར་མི་འདི་ཕུལ་སྲོལ་ཡོདཔ་ཨིན་རུང་ རྟ་ལོག་གསང་སྔགས་ཆོས་གླིང་ལུ་ ལོ་བསྟར་རྟ་ལོག་ཚེས་བཅུའི་སྐབས་ལུ་ ཞབས་ཁྲའི་འགོ་མཆོདཔ་འདི་ གླུ་གར་གཞས་ཀྱི་སྒོ་མོ་དང་ བྱ་རྒོད་གཉིས་ཨིན་པས།

མ་གཞི་འགོ་དང་པ་ར་མཆོདཔ་ཕུལ་དགོ་པའི་རྒྱུ་མཚན་ བཅུད་བསྡུ་བ་ཅིན་ ཕྱོགས་བཅུ་ནང་བཞུགས་པའི་ རྒྱལ་བ་སྲས་དང་བཅསཔ་ཚུ་ལུ་ ཞབས་ཁྲ་རྐྱབ་མི་ཆ་ཁྱབ་ཀྱིས་ ཁོང་རའི་ལུས་ངག་ཡིད་གསུམ་གུས་པས་སྒོ་ལས་ མཆོད་པའི་ལྷ་མོར་བསྐྱེད་རིམ་གསལ་ཏེ་ གསུང་གླུ་གར་གྱི་མཆོདཔ་ཕུལ་ཏེ་ གླུ་གར་གྱི་སྒོ་ཕྱེ་བའི་ཕྱེ་བའི་བརྡ་ཚོན་ཨིན་མས།