ཐུགས་འདོད་ཡོདནི་བཞེས།

༉ རྗེ་མཁན་ཁྲི་རབས་༧༠་པ་ སྐྱབས་རྗེ་སྤྲུལ་སྐུ་འཇིགས་མེད་ཆོས་གྲགས་མཆོག་གིས་ གནམ་ལོ་མེ་མོ་བྱ་ལོ་ རང་ཟླ་༦ པའི་ཚེས་༡༠དང་ སྤྱི་ལོ་༢༠༡༧ ཟླ་༨ པའི་ཚེས་༢ ལས་འགོ་བཙུགས་ཏེ་ ཟླཝ་༣གྱི་རིང་ ཐིམ་ཕུ་ཀུན་གསལ་ཕོ་བྲང་ སྟོན་པ་རྡོར་གདན་མའི་སྐུ་མདུན་ལུ་ བཀའ་འགྱུར་ལྗགས་ལུང་གནང་ཡོདཔ་ཨིན།

སྐྱབས་རྗེ་མཆོག་ དགུང་ལོ་༡༠བཞེསཔ་ད་ རྒྱ་གར་ཀ་ལི་ཕུག་ལུ་ སྐྱབས་རྗེ་བདུད་འཇོམས་ཡེ་ཤེས་རྡོ་རྗེ་དང་ སྙུང་ཞི་མཁན་པོ་ འཇམ་དབྱངས་རྡེ་རྗེ་ལས་ བཀའ་འགྱུར་གྱི་ལུང་གསན་ཞིནམ་ལས་ ད་ཚུན་བཀའ་འགྱུར་ལྗགས་ལུང་ཚར་༤་གནང་ཡོདཔ་ཨིན་པས།

འབྲུག་རྒྱང་བསྒྲགས་ལས་འཛིན་གྱིས་ བཀའ་འགྱུར་གྱི་ལྗགས་ལུང་ ཆད་ལུས་མེད་པ་སྒྲ་བཟུང་སྟེ་ཡོད་མི་འདི་ མིང་མང་ལུ་ཕུལ་དོ་ཡོདཔ་ལས་ ཐུགས་འདོད་ཡོད་མི་ཚུ་གིས་ ཡིག་ཚང་གི་དུས་ཚོད་ལུ་བཞེས་གནང་ཟེར་ཞུ་ནི་ཨིན།

Comments are closed.
%d bloggers like this: