༢ རྒྱལ་སྲས་སྐུ་ཕྲེང་གཉིས་པ།


གདུང་སྲས་འཇམ་དཔལ་རྡོའི་ཡང་སྲིད་ རྒྱལ་སྲས་སྐུ་ཕྲེང་གཉིས་པ་ འཇིགས་མེད་ནོར་བུ་མཆོག་ ཀྲོང་གསར་རྫོང་ཁག་ བོན་སྦིས་གཡུས་ཚན་ནང་ ཆོས་རྒྱལ་ཁྲི་སྲོང་ལྡེ་བཙན་གྱི་གདུང་བརྒྱུད་ལས་མཆེད་པའི་ གདུང་ལྷ་དར་གྱི་རིགས་ལས་ རང་ལུགས་འདས་ལོ་༦༧ རབ་བྱུང་༡༢་པའི་གནམ་ལོ་མེ་བྱ་ལུ་སྐུ་འཁྲུངས་ནུག།

མཁན་ཆེན་བཟོད་པ་ཕྲིན་ལས་ལས་ སོ་ཐར་སྡོམ་པའི་བསླབ་ཚིགས་བཞེས་ཏེ་ ཆོས་སྤྱོད་ཀྱི་བྱ་བ་ལུ་བརྩོན་ཏེ་བཞུགས་ཡོདཔ་མ་ཚད་ དགུང་ལོ་༡༣ལུ་གསེར་ཁྲི་མངའ་གསོལ་ཞུ་སྟེ་ རིགས་བདག་ཆོས་རྗེ་ངག་དབང་རྒྱལ་མཚན་དང་ སྒང་སྤྲུལ་བསྟན་འཛིན་ལེགས་པའི་དོན་གྲུབ། དེ་ལས་ ཡོངས་འཛིན་ངག་དབང་ཕྲིན་ལས་ཚུའི་ཞབས་ལས་ མདོ་སྔགས་སྨིན་གྲོལ་ལམ་གྱི་རིམ་པ་ཚུ་གསནམ་ཙམ་ཅིག་གིས་ དཀའ་ཚེགས་ག་ནེ་ཡང་མེད་པར་ འཇམ་ཏོང་ཏོ་སྦེ་མཁྱེནམ་ལས་ ག་ར་ཡ་མཚན་ཆེས་ཏེ་ བསྟོད་པའི་ཡུལ་ལུ་གྱུར་ཏེ་བཞུགས་པའི་བསྒང་ དགུང་ལོ་༡༩བཞེས་པའི་ གནམ་ལོ་ཤིང་ཡོས་ལུ་ སྤྲུལ་པའི་ཟླ་ཚེས་དགུང་ལུ་ཡལ་སོང་ནུག་ཟེར་ཞུ་ནི་ཨིན།

%d bloggers like this: